VIGAN CITY – Nakemmeg ti maysa a Street Level Individual idiay Sitio Highway, Barangay Tablac, Candon City, Ilocos Sur babaen iti naisayangkat a buy bust operation.
Nabigbig ti suspek a ni alyas “Danny”, agtawen iti limapulo ket siam, aggigyan idiay Barangay Langlangca 2nd, Candon City.
Naala kenkuana ti innem a gramo ti shabu nga aggatad iti PHP40,800 a naikabil iti innem a piraso ti transparent plastic sachet a nagserbi a buy bust ken possession na.
Dagiti met non-drug evidence ket pakairamanan ti duapulo a piraso ti one-thousand-peso ken uppat a piraso ti five-hundred-peso boodle money a nagserbi met kas buy-bust money; ken PHP8,250 a personal money.
Naala pay ti maysa a brown pich, sling bag, dua a piraso ti bond paper a nausar a pangbungon iti shabu signature, tallo a folded foil, getting, maysa nga awan kargana a transparent sachet, driver’s lcense, voter’s ID ken motorsiklo.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
