Pinasingkedan ni House Trial Spokesperson ken Lanao del Sur Rep. Zia Alonto Adiong a makita itan nga adu ti ammo ken nalaing ni Vice President Sara Duterte iti panagpangta, pammapatay, ken kinaranggas.
Dayta ket kalpasan ti panangibaga ni VP Sara iti “Free Duterte Now” rally idiay The Hague a nakaru ti “gun violence” iti Pilipinas ta kunana a mabalin isuna nga ag-hire iti gunman iti gatad a 5,000 no adda kabit ti asawana.
Segun pay ken ni VP Sara, sumangsango ita ti bise presidente iti pammabasul a nakaipalaon iti maikapat nga article of impeachment nga adda kinapatangna a mangpapatay ken ni Presidente Ferdinand Marcos Jr., first lady Liza Marcos ken dati a House Speaker Martin Romualdez.
Impaganetget ni Adiong a ti parikut iti peace and order ti pagilian ket sulsulbaren dagiti maseknan nga ahensia babaen iti panangidaulo ti Philippine National Police ta kas maysa a bise presidente ket nasken a tumulong ditoy ni Duterte babaen iti panangibingayna kadagiti ammona mainaig iti pammapatay.
