Nairugin ti pannakaisayangkat ti tallo nga aldaw nga SSS Training for Employer-Members (SSSTEM) iti siudad ti Vigan City, Ilocos Sur nga agpaot agingga July 23, 2026.
Ti aktibidad ket nakipasetan dagiti nadumaduma nga employer representative ken dagiti SSS member iti Ilocos Sur.
Iti pannaki-uman ti Bombo Radyo Vigan ken ni Normita Cruz, Vice President iti Luzon North 1 Division, gagem ti aktibidad a makaited iti update mainaig iti SSS benefits kadagiti employer-members.
Karaman ditoy ti SSS Membership, Contributions, Medical Benefits, Housing Assets Program, Loan Programs, Employees’ Compensation, ken Employer’s Legal Obligations.
Tinawen ti pannakaisayangkat ti aktibidad tapno agtultuloy met ti pannakayadal dagiti proseso iti benepisio ti SSS kadagiti employer ken member.
