--Ads--
Mangiruar ti Social Security System iti agingga P60 billion a relief measure tapno tulongan dagiti miembro iti baet ti panagpangina ti presio ti langis ken inflation gapu iti riribuk iti Middle East.
Ti dakkel a pasetna ket mailatang iti napalawa nga Emergency Loan Program a napondoan iti P27 billion.
Napalukayan met dagiti requirement — kasapulan laeng ti 18 a bulan a kontribusion iti uneg ti naglabas a 36 a bulan.
Mabalin ti umutang iti agingga P20,000 ti kwalipikado a miembro iti nabab-baba nga interes a 7 percent kada tawen, ken adda 6 a bulan a pawayway a panagbayad.
-- ADVERTISEMENT --
Makaksid dayta, mangiruar ti SSS iti nasurok-kumurang P6.5 billion para iti nasapa a panangipatungpal iti nayon a pension a mairuar inton Hunyo imbes a Setyembre.
