Pinapigsa ti Sugar Regulatory Administration ti kampania kontra iti red-striped soft scale insect kadagiti pagmulaan iti unas babaen iti ad-adda a pannakaaramat ti chemical spraying drones ken pannakailatang ti P35 million tapno masakupan ti 25,000 nga ektarta dagiti apektado a pagmulaan.
Segun iti SRA, 93,898 nga ektarya ti pagmulaan ti tunas ti naapektaran iti nasao nga insekto, nangruna idiay Negros Island ken Western Visayas.
Mangted met ti Department of Agriculture ken Department of Social Welfare and Development iti P10,000 nga ayuda iti kada apektado a mannalon, idinto a planoda a mayad-adu ti masakupan ti subsidy agingga iti 20,000 a benepisyaryo.
Agsagsaganan ti DA ken SRA kadagiti programa para iti direkta a pondo a maipatulod kadagiti Local Government Unit ken kooperatiba, kasta payen ti pannakailatang dagiti lokal a laboratory para iti biological pest control tapno malapdan ti sumaruno nga infestation.
