VIGAN CITY- Nangbukel ti Abra Police Provincial Office ti Special Task Group a mangtutok iti pannakaimbestigar iti pannakapapatay ni Sanguniang Bayan Member Isagani Ambaoa Joson a taga Sitio Manois Poblacion, Lagayan Abra.
Segun kenni Police Senior Inspector Marcy Grace Marron, agtultuloy pay laeng ti imebstigasyon da ti motibo ken pakabigbigan ti suspek a nangpapatay iti sangguniang bayan member.
Maipalagip nga adda iti compound ti biktima idi pinaltugan dagiti saan pay a nabigbig a suspek a poun ti nakatayanna.
Inaig iti dayta ket patien ni Mayor Jendrix Luna ti Lagayan a posible a pulitika wenno personal a riri ti motibo ti pannakapapatay ti sangguniang bayan member ngem nasaysayaat no iyuray ti resulta ti imbestigasyon dagiti otoridad.
Segun kenni Mayor Luna, ni Joson ti maikawalo a sangguniang bayan member iti ili s da ket adda adda plano na nga agpatakder ti hotel iti nasao nga ili.
