Pinasingkedan ni House Speaker Faustino ‘Bojie’ Dy III ti kari ti House of Representatives nga ituloy ti panangitandudo dagiti addang tapno mapalawa dagiti oportunidad para iti pamilia a Pilipino, mapapigsa dagiti lokal a komunidad, mapadaras ti inklusibo a panagdur-as ti pagilian ken masigurado a magunggonaan ti tunggal probinsia iti nasional a progreso.
Iti mensahe ni Dy iti maika-60 nga anibersaryo ti pannakaipasdek ti South Cotabato ken maika-27 a T’nalak Festival, impaganetget na a ti panagdur-as ti South Cotabato iti napalabas nga innem a dekada ket mangipakita a mabalin a magun-od no agtitinnulong tyi gobierno ken dagiti umili.
Karaman kadagiti sumagmamano a gakat nga adda pakainaiganna iti edukasion ken nutrisyon ti naipasa ti Kamara sakbay nalpas ti umuna a regular a session ti 20th Congress ket pakairamanan ti panangpalawa ti Assistance to Students and Teachers in Private Education (GASTPE) Program, panangpapigsa ti Last Mile Schools Program, ken ti gakat a National Nutrition Program a gagem na a palawaen ti school-based feeding ken dadduma pay nga nutrition interventions para iti tunggal ubbing a Pilipino.
Bayat nga agsagsagana ti Kongreso iti panaglukat ti maikadua a regular a session, impakaammo ni Dy nga agtaltalinaed a nakapokus ti Kamara iti panagipasa dagiti gakat a sumungbat para iti kasapulan iti pagilian.
