Pabor ni House Speaker Faustino Bojie Dy III iti gakat a panangrepaso iti National Tax Allotment (NTA) framework ken sumagmamano a provision ti Local Government Code of 1991 tapno matulongan dagiti ili a masolbar ti dumakdakkel a responsibilidad iti panangited ti serbisio publiko.
Pinasingkedan ni Dy a suportado ti House of Representatives of the Philippines iti panawagan dagiti mayor nga i-update ti nasurok 30 a tawen a linteg mainaig iti lokal a panangidaulo.
Masapul a mayataday ti linteg kadagiti panagbaliw iti gobierno, ekonomiya, ken iti lumaw-lawa a responsibilidad dagiti local government units.
Innayon pay ti opisial a napateg ti panangrepaso iti linteg kalpasan ti decision ti Mandanas-Garcia ruling ti Supreme Court of the Philippines a nangpadakkel iti paset ti LGUs iti national taxes ngem nang-nayon met ti responsibilidad da iti serbisio publiko.
