--Ads--
Makapadpadas ita ti nakaro a kinabara ti panawen ti Spain kalpasan a mariknadan ti first official heatwave ita a tawen, ta umabot iti nasurok-kumurang 40 degrees Celsius ti temperatura idiay Madrid.
Adu a turista ken lokal nga agindeg ti narigatan a makaadaptar iti nakaru a pudot, nangruna kadagiti natao a lugar kas ti Rastro flea market.
Adda sumagmamano a turista ti nagaramat pay iti portable electric fan ken nagisuot iti puraw a kawes tapno maliklikan ti kinabara no magmagnada.
Segun iti Spanish weather agency, 13 kadagiti 17 a rehion idiay Spain ti adda iti orange heat alert, idinto a ti Basque Country ket makarikrikna iti red alert – kangatwan a ballaag gapu iti nakaro a pudot.
-- ADVERTISEMENT --
