VIGAN CITY – Dinayyeg iti magnitude 7.2 a gingined ti southern Peru ita nga aldaw.
Adda kaunegna a 28 kilometers wenno 17 miles, segun iti US Geological Survey.
Imballaag met ti Pacific Tsunami Warning Center ti posible a tsunami waves a mapatta-patta nga adda kangatona a maysa agingga tallo a metro kadagiti kabaybayan idiay Peru.
Nangiruar ti Geophysical Institute ti Peru iti tsunami alert a kayatna a sawen ket nasken a mai-activate dagiti otoridad ti protocol tapno siguraduen ti kinatalged dagiti umili gapu iti posible a tsunami.
Timmama ti gingined, walo a kilometro, laud a paset ti Atiquiapa ken 600 kilometers manipud iti abagatan a kabisera ti Peru.
Iti agdama, mangisaysayangkat iti assessment dagiti pannakabagi ti linteg kadagiti struktura a nadadael ken no adda natay wenno nadunor.
