VIGAN CITY – Nagballaag ti Amerika ken South Korea kenni Russian President Vladimir Putin gapo iti nakaituding nga ibibisitana idiay North Korea tapno papigsaen ti relasyon dagiti dua a pagilian.
Inbaga ni US Deputy Secretary of State Kurt Campbell iti counterpartna idiay North Korea a ni Kim Hong Kyun, mangitunda laeng ti nakarkaro a riri nu mas maiyasideg ti relasyon ti Pyongyang ken Moscow.
Nupay kasta, inyunay-unay ti Russia ti karbenganna a padur-asen ti relasyonda ti North Korea .
Adda dagiti maipadpadamag a gandat ni President Putin nga iyakar ti missile ken nuclear technology ti Russia iti sidong ti panangidaulo ni North Korean President Kim Jong Un.
Patien met dagiti analysts nga idi binisita ni Putin ni Jong Un idi bulan ti Setyembre ket mapapati a nagkari ti Russia a tulunganna ti North Korea iti space programda kasukat dagiti armas nga ited ti North Korea para iti agtultuloy a riri idiay Ukraine.
