Dua nga security guard ken tallo pay nga indibidwal ti pimmusay kalpasan a nagpatayab iti lima nga missile dagiti rebelde nga Houthi iti Presidential palace Complex iti abagatan nga siudad ti Aden idiay Yemen idi Huwebes.
Natalged met ken awan ti nagsagrap na nga sugat ti Prime Minister ken dagiti Miyembro iti gabinete ti Yemen iti agdama nga berada iti uneg ti Maashiq Presidential palace idi napasamak iti nasao nga panagatake, segun kenni Information Minister Moammar al-Eryani.
Segun met iti spokesperson ti militar ti Houthi a ni Yahya Saree, ti insidente ket paset iti pormal a patakaran da nga naigagara a natarget ti Saudi Military build-ups uray sadino man daytoy a masarakan.
Inwaragawag ti Houthi-run saba news agency nga ti binomba da ket ti headquarter ti military Operations dagiti opisyal ti Saudi Arabia pakairamanan ti bodega dagiti armas iti uneg ti complex.
Nangngegan dagiti saksi ti napigsa nga panagsabog iti aglawlaw ti Palasyo kabayatan nga banbantayan daggiti otoridad ti seguridad iti sibubukel nga rehiyon kalpasan ti nasao nga panagatake.
~ Bombo Kleo
