Innayon ti Cambridge Dictionary ti nasurok 6,000 a baro a sarita ita a tawen pakairamanan dagiti slang a simmikat iti social media a kas ti skibidi ken tradwife.
Ti skibidi ket maysa nga awan kaes-eskanna a sarita a maar-aramat iti viral Youtube animated series nga Skibidi Toilet.
Iti dictionary, mangiladawan dayta iti maysa a sarita a ti kayatna a sawen ket cool, bad wenno maaramat iti panagangaw nga awan ti sigurado a kayatna a sawen.
Ti met tradwife ket napabassit a sarita ti traditional wife a maysa nga asawa a babai a mangtungtungpal dagiti traditional nga akem a kas iti panagluto, agdalus ken panag-post iti social media.
Segun ken ni Colin McIntosh a lexical programme manager iti Cambridge Dictionary, agtultuloy iti panangbaliw ti internet culture iti English language.
Karaman pay a nainaiyon ti delulu a napabassit a sarita ti delusional a mangibagbaga ti pammati kadagiti banag a saan a pudno.
