--Ads--
Imbasura ti Malakanyang ti singasing nga interim arrangement ni Senador Alan Peter Cayetano para kadakuada ni acting Senate President Sherwin Gatchalian bayat a saan pay a nasolbar ti isyu iti liderato iti Senado.
Segun ken ni Palace Press Officer Claire Castro, awan ti maipaayan ita iti nasao a klase ti arrangement a kayat a mapasamak ni Cayetano.
Kinuna nga amangan no mapasamak manen iti kas iti Kongreso ta saan a dagus a tinungpal ni Cayetano ti term sharing agreement-da idi ni Congressman Lord Alan Velasco.
Impaganetget ni Castro a ni laeng Sen. Gatchalian ti bigbigen ti Malakanyang a liderato ti Senado.
-- ADVERTISEMENT --
Agtultuloy iti saan a pagkikinnaawatan iti Senado maipanggep ti isyu no siasino iti lehitimo a Senate President.
