Inaprobaranen ti Senado ti naisingasing a P6.352-trillion a national budget, ngem dagiti controversial budget a kas dagiti alokasion para iti Office of the Vice President ken ti Ayuda sa Kapos ang Kita Program (AKAP), ket mapagpapatangan pay laeng iti bicameral conference committee.
Ni Senador Grace Poe, chair ti Senate Finance Committee, ti nangisponsor iti budget bill, a naaprobaran babaen ti 18 nga affirmative votes, zero negative votes, ken maysa nga abstention.
Nag-abstained ni Senador Aquilino Pimentel III, gapu kadagiti budget deficit ken utang ti pagilian.
Inyunay-unay ni Senador Pimentel ti closer monitoring kadagiti sumagmamano a banag, pakairamanan ti programa ti AKAP, proyekto ti Department of Human Settlements and Urban Development, ken ti Department of Transportation.
Kabayatanna, maisayangkat ti bicameral conference committee para ti panag-reconcile ti Senate ken House versions ti budget, agraman ti kontrobersial nga OVP ken AKAP allocations, sakbay ti final approval.
