VIGAN CITY – Kiniddaw ti Samahang Industriya ng Agrikultura iti Department of Agriculture a mapangina iti presyo dagiti pagay tapno saan a marigatan dagiti mannalon.
Iti pannaki-uman ti Bombo Radyo Vigan ken ni SINAG Chairman Rosendo So, manipod P12.50-P13.50 a presyo ti fresh palay ken 15.50-P16.50 iti dry palay ket agbalin a P19 iti pananggatang ti National Food Auhtority tapno matulungan dagiti mannalon ken saanda a malugi.
Segun ken ni So, nu man pay gumatgatang ti NFA kadagiti mannalon ket bassit laeng a porsiento iti maalada ta ninamnamada nga ita a bulan agingga Disyembre ket umabot iti 9.2 milion a metriko toneleda iti magatang ngem ti laeng alaen ti NFA ket 720,000 a metriko tonelada.
Innayonna pay a siam a pulo ket dua a porsiento kadagiti mannalon iti apektado iti nababa a presyo isu a kasapulan nga agaramid iti price support iti Department of Agriculture.
