Suportaran ni Senate Minority Leader Alan Peter Cayetano tapno mapadaras iti panagala ti government assistance ngem nagpanawaganda nga iraman ti long-term programs a mangted ti kabaelan iti babassit a negosyo ken pamilia nga agbalin a self-sufficient.
Dayta ket kalpasan iti manifestation idi February 18, 2026 maipanggep ti Senate Bill No. 155 wenno Simplified Government Aid Access Act a gagem a padarasen ken dalusan ti proseso iti panagiwaras ti tulong ken ikkaten ti political influence iti panagala.
Segun ti Senate Minority Leader, napateg ti simplified access kangrunaan kangrunaan kadagiti insigida a sitwasyon kas ti medical emergency ken inaldaw-aldaw a kasapulan iti pamilia, a ti pannakataktak ket mangpadagsen pay laeng iti kasasaad dagiti agkasapulan.
Impaganetget iti senador iti binilion a pisos nga inlatang iti gobierno a tinawen a financial assistance a nagbalin a konteksto iti nabayagen a gakat a mangted ti direkta a tulong kadagiti pamilia tapno makissayan ti red tape ken mapadaras iti distribusyon.
Iti panangsuportarna iti simplified access ket inallukoy ni Cayetano iti Senado ken executive a mangilatang ti medium ken long-term nga addang tapno makissayan ti dependency iti doleout babaen iti panangpapigsa ti entrepreneurship ken self-reliance.
Innayonna a rumbeng nga ipakita pay iti isu met la a sense of urgency kadagiti gakat a mangsuportar kadagiti negosyo, puonan, edukasyon ken salun-at.
