Simple a taraon laeng ti kiddaw dagiti cardinal idiay Vatican kagiddan ti panagsagsaganada para iti conclave tapnon mapili ti baro a Santo Papa.
Segun kadagiti lokal a restaurateur iti aglawlaw ti Vatican, paborito dagiti cardinal dagiti simple a luto Romano kas ti pasta carbonara, saltimbocca (veal cutlets a nabungon iti ham), burrata, ken ti tradisyunal a taraon nga adda amatriciana wenno gricia sauce-na.
Iti maysa a restaurant, kinuna ti akin-kukua a nabayagen a parokyano dagiti cardinal, ken nasingedda kadakuada idinto a dagiti dadduma met ket ad-adda a pilien dagiti obispo ken cardinal ti pribado a panganan iti likudan ti restaurant tapno malisyan ti media.
Nupay adda dagiti dadduma a restaurateur a mangibagbaga a kimmapsut ti pastrekda sipud pimmusay ti Santo Papa idi Abril 21, agtultuloy latta ti panagbisita dagiti dadduma a cardinal kadagiti paboritoda a panganan.
