Nagpanawagan ni Interior Secretary Jonvic Remulla iti Kongreso nga amyendaran ti linteg tapno a pagbalinen a non-bailable offense ti illegal possession of firearms kasaruno iti pammaltog iti maysa a pagadalan idiay Zamboanga City.
Segun ken ni Remulla, 98% iti gun crimes ket mainaig iti loose firearms.
Kinunana a ti Robin Padilla Law a nangikkat ti dusa iti krimen ken nagbalin a bailable offense ti panaglabsing ket nagresulta iti panagpangato ti krimen gapu iti kaadda dagiti loose firearm wenno saan a lisensyado a paltog ket maysa a bailable offense.
Ti dakdakamaten ni Remulla ket ti Republic Act No. 8294 a nag-revise kadagiti pannusa iti illegal possession of firearms.
Idurduron pay ni Remulla ti panagaramid ti linteg tapno dusaen dagiti managbaybay-a nga akin-kukua iti paltog iti non-safety keeping iti armasda.
Ti panawagan ket kasaruno iti pammaltog iti Ateneo de Zamboanga University idi kalman a nakatayan iti dua a tattao.
