--Ads--
Pinaglibakan ni Megastar Sharon Cuneta ti aniaman a koneksyon ken ti asawana a ni Senador Francis “Kiko” Pangilianan dagiti alegasyon dagiti mapapati a dati a bodyguard ni dati nga Ako Bicol Party-list Rep. Zaldy Co maipanggep iti mapapati a panagiwaras iti minaleta a kuarta.
Idi June 16 ket impakita dagiti dati a bodyguard ni Co dagiti sumagmamano a ladawan ken impaganetgetda a nakaipatulodda dagiti minaleta a kuarta iti agduduma a personalidad pakairamanan iti sumagmamano a politiko ken media.
Maysa kadagiti ladawan a naipakita ket naala da Sharon Cuneta ken Senador Pangilianan kaduada dagiti mapapati nga empleado ni Co.
Kabayatanna, awan ti naited a detalye dagiti testigo no kasano a mainaig ti nasao a ladawan kadagiti alegasyonda.
-- ADVERTISEMENT --
