--Ads--
Natay gapu iti mapapati a panagbekkelna ti maysa a senior citizen idiay Barangay Bagani Gabor, Candon City, Ilocos Sur.
Nakaawat ti Candon City Police Station iti tawag nga adda nagbekkel iti nasao a lugar a dagus met a tinurongda.
Segun iti asawa ti nagbekkel, agpatpatangda idi September 12 iti alas dyes iti agsapa, ket nadakamat ti asawana a maum-uman nga umin-inom iti maintenance na, ngem saanna nga impagarup nga agpakamatay.
Nasarakan ti senior citizen a nakabitin babaen iti tali a naiputipot iti tengngedna iti ruar ti pagtaenganda. Naitaray iti ospital ngem naideklarar a dead on arrival idinto nga awan met ti pagilasinan iti foul play.
-- ADVERTISEMENT --
