Nagpanawagan ti maysa a senior citizen kadagiti nakakitkita iti balasitang nga apona a pagawidendan ta saanda pay a nasarakan sipud nagpukaw idi Marso 2, 2026 iti malem.
Ti balasang ket ni Krisha Mae Gonzales, agtawen iti sangapulo ket tallo, taga-Barangay Capampangan, Vigan City.
Iti pannaki-uman ti Bombo Radyo Vigan ken ni Menardo Gonzales, lolo ti missing person, awanen a makitana ti apona idi mapanna saraken iti plaza ta baonenna koma pay nga agluto iti pangaldawda.
Nadakamat ni Gonzales a saan a daytoy ti umuna a panagpukaw ti apona ta iti kallabes ket naaramidna manen ngem natuntonda met laeng idi idiay Sta. Catalina.
Awan met ti ammoda a nakariri ti balasitang ken awan met ti nadakdakamatna a parikut, malaksid laeng iti ipagarupda a parikutna iti amana a saanen a makapawpaw-it.
Nagpukaw ti balasitang iti alas tres iti malem iti nadakamat a petsa ket agingga ita ket saan pay a nakaawid.
