Maysa a senior citizen ti nadungpar iti motorsiklo iti national highway ti Barangay Burgos, Sta. Lucia, Ilocos Sur.
Ti senior citizen ket lalaki nga agtawen iti innem a pulo ket walo, taga-Barangay Sta. Lucia, Ilocos Sur.
Kabayatanna, ti nagmaneho iti Yamaha Mio sporty a motorsiklo ket lalaki nga agtawen iti duapulo ket dua, taga-Angkileng, Sta. Lucia.
Iti pannaki-uman ti Bombo Radyo Vigan ken ni Police Major Pol Areola, agballasiw ti senior citizen idi nadungpar daytoy ti motorisklo nga isu payen ti rason ti pannakatulidna iti kalsada.
Nagsagaba ti drayber iti bassit a dunor iti saka ken naglemma ti tumengna, idinto a dunor iti ulo ken gasgas iti nadumaduma a paset ti bagina ti sinagrap ti senior citizen.
Naipaagas dagiti dua iti ospital para iti naan-anay a pannakatamingda.
Napagpatangan met dagiti dua a partido a baklayen ti drayber ti motorsiklo ti magastos iti ospital ti senior citizen.
