Awanen ti plano ti pamilia ti senior citizen a nasarakan iti igid ti kalsada idiay Barangay San Ramon, Magsingal, Ilocos Sur nga ipaidalan iti autopsy ti bangkayna.
Nabibig ti biktima a ni Melanio Ursua Urmeneta, agtawen iti innem a pulo ket dua residente ti nasao a lugar.
Iti pannaki-uman ti Bombo Radyo Vigan ken ni PLT Richard Pajo, OIC ti Magsingal Police Station, natalek ti pamiliana a naatake ti biktima ken awan ti foul play a napasamak.
Maipalagip a ti biktima ket nasarakan a nakadasay iti igid ti kalsada babaen kadagiti agindeg ti lugar isu a dagus met a nagresponde ti kapulisan.
Segun ken ni Mirene Villon Urmeneta, agsagsagaba ti lolona iti hypertension, masansan nga agagalenna iti sakit ti barukongna, ken agtupra pay iti dara no aguyek.
Naipan ti biktima iti Ilocos Sur District Hospital-Magsingal babaen kadagiti responding personnel, ngem naideklara a dead on arrival.
