Nakemmeg ti maysa a lakaki a nangpang-or iti kabsatna iti Barangay Paing, Bantay, Ilocos Sur.
Ti suspek ket agtawen iti walopulo, idinto a ti biktima ket agtawen iti innem a pulo ket innem, agpada nga agnaed iti nasao a lugar.
Iti pannaki-uman ti Bombo Radyo Vigan ken ni PLT. Ronie Corpuz, Deputy Chief of Police ti Bantay Police Station, naggapu iti karayan ti biktima ket agpadada a nakainom ti kabsatna idi mapasamak ti insidente.
Adda immunan a saan a nagkinnaawatan dagiti agkabsat ket nagsao-sao ti biktima ngem naririan met ti suspek.
Gapu dayta, nagsinnangat dagiti dua iti likod ti pagtaenganda kangrunaan iti ayan ti pagtaraknanda iti baboy.
Nagawid ti suspek a napan nangala iti tubo nga impang-or ken induyokna iti biktima.
Nadunor ti ulo ti biktima a naipaagas iti ospital para iti pannakatamingna idinto a ti suspek ket addan iti kustodia ti Bantay Municipal Police Station tapno maidalan iti husto a proseso.
