--Ads--
Natukkol ti saka ti maysa a senior citizen a nadungpar ti motorsiklo idiay Barangay Bannuar, San Juan, Ilocos Sur.
Nabigbig ti senior citizen a ni Audi Palatao Piano, agtawen iti innem a pulo ket tallo, agnaed iti nasao a lugar.
Ti met nagmaneho iti motorsiklo a Honda GTR 150 ket ni Reymund Bornales Rapin, agtawen iti duapulo ket uppat, taga-Barangay Lapting, San Juan.
Agpapa-amianan ti motorsiklo ket idi madanonna ti nakapasamakan ti insidente, bigla a bimmallasiw ti senior citizen ket nadungpar.
-- ADVERTISEMENT --
Gapu dayta, nadunor met ti nadumaduma a paset ti bagi ti drayber ket natukkol ti akin-kannawan a saka ti senior citizen.
Naipaagasda iti Ilocos Sur District Hospital-Magsingal para iti naan-anay a pannakatamingda.
