Senator-elect Tito Sotto, maal-allukoy nga agbalin a Senate President iti 20th Congress

Kinumpirmaran ni Senator-elect Vicente ‘Tito’ Sotto nga adda mangkapkapatang kenkuana tapno tumaray kas Senate President iti panagserrek ti 20^th Congress.

Segun ken ni Sotto, tallo agingga uppat a senador dagiti nakipatang kenkuana.

Inlawlawagna a saan isuna nga agliklikmot tapno agpaperma kadagiti mangsupsuporta kenkuana nga agbalin a mangidaulo iti Senado.

Ngem kunana a no makabukel isuna iti umdas a bilang dagiti senador a kayatna nga agbalin a Senate President ket nakasagana latta a mangawat.