Nagpanawagan ni Senate President Francis Escudero nga agkalma amin a partido a karaman iti public statement ni Bise Presidente Sara Duterte.
Inyunay-unay ni Escudero a kas maysa nga opisial ti publiko, responsibilidad ni Duterte a mangipakita iti good example para kadagiti dadduma, nangruna kadagiti ubbing.
Inallukoy na pay dagiti nasinged a gayyem ti Bise Presidente a bagbagaanda isuna a saan nga agaramid kadagiti makaparurod ken mabalin a criminal statements.
Patienna a ti inaramid ni Duterte ket nangted laeng iti kumarkaro a tension ken maysa a distraction iti panangtaming kadagiti nakarkaro a parikut ti pagilian.
Mangnamnama ni Escudero nga agkiddaw ni Duterte iti tulong tapno makasubli ti composure na ken tapno matungpalna ti responsibilidadna kas Bise Presidente.
Impalagipna kadagiti amin nga opisial ti publiko a ti aramidda ket rumbeng a kanayon nga agserbi iti umili ken makagunggona iti pagilian.
