Pinaayaban ni Senate Committee on Public Order and Dangerous Drugs nga idauluan ni Sen. Bato Dela Rosa ni dati a president Rodrigo Duterte iti hearing maipapan iti war on drugs.
Segun ken ni Sen. Dela Rosa, dakkel ti posibilidad nga umatendar ti dati a presidente no isuda ti mangimbitar gapu ta ad-adda a komportable iti imbestigasion ti komitena.
Malaksid ken ni Duterte, paayaban pay ti komite ti dadduma pay a resource persons.
Innayon ti senador nga uray no naka-break itan ti session, mabalinna ti mangisayangkat iti imbestigasion gapu ta nai-refer iti komite na a resolusyon mainaig iti alegasyon ti maysa a custom agent a mangibagbaga a karamanda Rep. Paolo Duterte ken Mans Carpio iti illegal drug trade.
Awan pay ti naikeddeng a petsa ti pannakadengngeg ti kaso.
