--Ads--
Pinasingkedan ni Senador Robin Padilla a masapul nga agbalin a natalged a lugar para kadagiti estudyante ken mangisursuro dagiti pagadalan.
Daytoy ket kagiddan iti panangaprubar ti Senado iti Senate Bill No. 2426 wenno Comprehensive School Safety Act.
Impaganetget ni Padilla a dagiti pagadalan ket agserbi a maikadua a pagtaengan dagiti ubbing, lugar no sadino makasur-suro ken bumokel ti arapaap da, saan a lugar iti buteng ken kinaranggas.
Innayon ti senador a kas co-author ken co-sponsor ti gakat, maragsakan a nagbalin isuna a paset ti panangbukel ti komprehensibo nga addang para iti kinatalged ken pagsayaatan dagiti estudyante ken school personnel.
-- ADVERTISEMENT --
