Mabalin latta nga umatendar ni Senador Jinggoy Estrada iti impeachment court iti aldaw ngem dagus a maisubli kas Person Deprived of Liberty (PDL) iti rabbi kalpasan ti trial.
Daytoy ti suhestion ni Senador Panfilo Lacson iti amin a senador a naka-suspenso wenno nakabalud kas ni Estrada a sumangsango ti kaso a plunder ken dadduma pay mainaig iti maipagarup a maanomalya a flood control projects.
Insingasing ni Lacson nga aramaten ti maysa a mekanismo a palubosan dagiti senador a nakabalud iti flood control scandal nga umatendar iti trail ni Vice President Sara Duterte tapno maaramid da ti responsibilidad da iti impeachment court.
Innayon ni Lacson a kas bilang palubosan ti korte, mabalin a makipaset ni senador Estrada iti impeachment trial iti salinong ti panangbantay dagiti kameng ti Bureau of Jail Management and Penology (BJMP).
