Inallukoy ni Senador JV Ejercito ti Department of Energy (DOE) a rugyan ti panangipasdek ti strategic fuel reserve ti pagilian.
Daytoy ket tapno masigurado ti naan-anay ken agtultuloy a suplay ti langis ken makatulong a maliklikan ti nakaru a panagngato ti presio no maaddaan ti global crisis iti enerhiya.
Iti panagdengngeg ti Senate Committee on Finance iti gakat a budget ti DOE, nagkiddaw ni Ejercito iti ahensia ti progeso iti plano a panangpalawa iti strategic fuel reserves iti Pilipinas.
Pinasingkedan ti senador a nagbalin a nalawag ti kinapateg ti kina-adda ti naan-anay a reserba idi nangrugi ti tension idiay Middle East, a mabalin a maka-apekto iti suplay ken presio ti langis kadagiti papgilian a mangnamnama ti importasion.
Innayon ni Ejercito ti kasapulan a pannakaisayangkat ti nadakamat a proyekto kagiddan ti singasing nga aramiden daytoy a maysa a multi-year program gapu ta agkasapulan ti proyekto ti dakkel a puonan ken panawen sakbay daytoy malpas.
