Nagpanawagan ni Senate Minority Leader Alan Peter Cayetano iti nataltalged a pagadalan ken natibtibker a values formation kasaruno ti agsasaruno a nararanggas nga insidente a nakairamanan dagiti estudyante.
Daytoy ket kagiddan ti selebrasion ti pagilian ti School Safety Month ita a bulan ti Hulyo.
Iti salinong ti Proclamation No. 115-A, s. 1966, nakatuding ita a bulan ti School Safety Month tapno itandudo ti natalged, nasayaat ken natibker a learning environment babaen iti nangatngato a kamalayan, kinasagana, ken panagtitinnulong dagiti pagadalan, pamilia, komunidad ken gobierno.
Pinasingkedan pay ni Cayetano a ti panangliklik ti kinaranggas ket mangrugi sakbay pay a sumrek dagiti ubbing kadagiti pagadalan.
Innayon ti senador a masapul nga agtalinaed a ti pinaka-secured a lugar para kadagiti ubbing ti pagadalan, pagtaengan ken simbaan.
