Nangiruaren ni Senate President Chiz Escudero ti show cause order kontra ken ni Special Envoy on Transnational Crime Ambassador Markus Lacanilao.
Ti addang ket tapno mapalawag ni Lacanilao nu apay a saan a rumbeng a nagpa-cite in contempt iti Senado gapu iti mapapati a panagsalawasawna iti panagdenggeg iti Senate Committee on Foreign Relations maipanggep ti pannakakemmeg ni dati a President Rodrigo Duterte.
Lima nga aldaw iti naited ken ni Lacanilao tapno sungbatan ti show cause order a nakalanadan ti mosyon a cite-in contempt ni Senador Ronald Bato dela Rosa.
Binilin met ni Escudero iti Office of the Sergeant-at-Arms nga agreport iti Office of the Senate President iti uneg iti duapulo ket uppat nga oras kalpasan a naiserbi ti show cause order ken ni Lacanilao.
