Mangnamnama ti Senado a mapadaras ti trial ni Vice President Sara Duterte tapno saan a maitantan ti panangtratar ti national budget, priyoridad a gakat ken dadduma pay nga imbestigasion a pokusan ti institution.
Segun ken ni Senate President Sherwin Gatchalian, allukoyen da ti prosecution ken depensa a pabassiten ti schedule ti trial babaen ti panangkissay ti bilang ti trial days ken dagiti testigo a mangted laeng ti agpada a testimonia.
No adda dagiti testigo a corroborative laeng ti statement, mabalin daytoy nga ikkatan tapno mapadaras ti trial.
Impaganetget ni Gatchalian nga uray saan a mabalin a diktaran ti impeachment court ti agbalin nga strategy ti agsumbangir a kampo, immapela da nga aramiden a mas efficient ti presentasion dagiti ebidensia ken testigo.
