Nangibaba ti advisory ti opisina ni Senate President Pro-Tempore Sherwin Gatchalian a mangipatungpal ti work-from-home arrangement para kadagiti empleado mangrugi ita nga aldaw (June 10) agingga June 11.
Dayta ket iti baet ti pannakaipatungpal ti heightened security measures ken preventive safety protocols iti Senado kasaruno iti naawat nga impormasyon ni Gatchalian manipod National Bureau of Investigation (NBI) nga adda pangta iti seguridad iti Senado.
Nabilin iti amin ti Senate Secretariat ken Senate employees nga ag-work-from-home tapno maikkan dalan iti pannakaisayangkat ti security assessment, inspections ken dadduma pay a precautionary measures iti uneg ken ruar iti Senado iti baet ti pangta.
Naipaganetget iti advisory a maipangruna ti kinatalged ken seguridad iti amin nga empleado iti Senado.
Nabilin met ti tunggal mangidaulo ti opisina a siguradoen nga agtultuloy iti operasyon babaen ti remote work arrangements.
Dagiti kasapulan nga ag-report on-site iti Senado ket agipasa iti nagan iti Office of Sergeant-at-Arms.
