Imbasura ti Korte Suprema ti petision nga agkid-kiddaw nga ibilin ti Senate Blue Ribbon Committee nga i-publiko ti draft report da iti imbestigasion ti maanomalya a flood control projects.
Iti nairruar a resolusion, pinasingkedan ti Korte Suprema nga awan ti nakita da a constitutional wenno legal nga obligasion tapno piliten ti Senado nga iyir-ruar ti maipagarup a buo ken unredacted a draft committee report.
Segun iti petision, maipagarup a naglaon ti draft dagiti rekomendasion tapno pilaan ti kaso a kriminal, administratibo ken plunder ti sumagmamano a senador ken dadduma pay nga opisial ti gobierno a maipagarup a karaman iti flood control anomaly.
Ngem segun ti Supreme Court, saan a sakop ti judiciary a diktaran ti legislative no kaano ken kasano nga iyir-ruar dagiti dokumento.
