Awan pay ti aniaman nga addang ti Senado tapno risuten ti patangan iti partisipasion da Senador Jinggoy Estrada ken Senador Rodante Marcoleta iti impeachment trial laban kontra ken ni Vice President Sara Duterte.
Segun ken ni impeachment court spokesperson Atty. Reginald Tongol, pinasingkedanen ni Presiding Officer Francis “Chiz” Escudero a saan a ti impeachment court ti husto a forum tapno trataren ti isyu ngem ti Senado kas legislative body.
Nupay kasta, impaganetget ni Tongol a ti napalabas a plenary session ket awan pay ti senador a nangipila wenno nanglukat ti nadakamat a patangan isu nga agtaltalinaed nga awan pay ti tignay iti agdama.
Inlawlawag ni Tongol nga adda dua a kondision a kasapulan a maipatungpal sakbay a makipaset da senador Estrada iti Senado ken iti impeachment court.
Masapul a pay nga umuna a malpas ti naipataw a 90-daty preventive suspension kontra ken ni Estrada ken kagiddan daytoy ket masapul pay a palubosan ti Sandiganbayan a maka-piyansa tapno personal a makadar-ay kadagiti session ti Senado.
Iti met kaso ni senador Marcoleta, awan pay ti nairruar a tignay ti Senado mainaig ti posibilidad ti partisipasion na iti trial.
