Ad-adalen ita ti Senate Committee on Finance a kissayan iti 15 agingga 20 percent ti badyet para kadagiti road project, imbes a kissayan ti amin a proyekto nga ipapaaramid ti Department of Public Works and Highways.
Dayta ket kalpasan a makita ti komite manipud iti inspeksion nga adda sumagmamano a proyekto a nainkalintegan ti presio ti materyales ken saan a nasken a mairaman.
Segun ken ni Senate Committee on Finance Chairman Sherwin Gatchalian, no aramidenda nga ‘across the board’ ti pannakakissay kadagiti amin nga infrastructure project, mairaman pay dagiti proyekto a natibker ti pagibasaranna ken justified ti gatad.
Kabayatanna, inlawlawag ni Gatchalian a ti posible a P348 billion a pannakatapyas iti badyet ti DPWH ket nakadepende pay iti maipasa a dokumento ken ti agbalin a palawag ti ahensia inton Lunes.
