Nagpanawagan ni Senate Majority Leader Joel Villanueva iti Civil Service Commission (CSC) nga agbalin a proactive iti panangimplementar ti ban iti amin a klase ti sugal kangrunaan ti online gambling kadagiti amin a government office, officials ken employees.
Segun ken ni Villanueva, masapul a mangiruar ti commission iti definite policy kontra iti online gambling tapno malabanan ti panagusar iti nasao a platforms kadagiti civil servant kas kadagiti opisyal ken empleado ti gobierno.
Kinunana a tapno masukatan ti gambling landscape ket masapul nga ikonsiderar ti CSC iti panagbaliw ti polisiya a mayannatup iti sitwasyon iti agdama gapu iti kinadarasen a ma-access ti online gambling platforms dagiti mangmangged iti gobierno.
Pinasingkedan ti majority leader a napagtalinaed iti gobierno ti ban dagiti casino para kadagiti government officials ken workers iti salinong iti agduduma nga official issuances manipod ti executive department.
Iparit ti polisiya ti presensya ti government officials ken employees karamananen ti military, police ken dadduma pay a uniformed personnel kadagiti casinos ken gambling venues.
