Pinasingkedan ni Senador Joel Villanueva a mapan isuna iti special session a posible nga ipaayab ni Pres. Ferdinand Marcos Jr.
Segun ken ni Villanueva, ti agdama a ginnura iti panangidaulo iti Senado ket nakaru a makaapektar ti institusyon isu a kasapulan nga ilaksid iti nagduduma a kapanunutan iti politika nga agbalin a pabor para kadagiti Pilipino.
Kinuna ni Villanueva a kasapulan a masigurado a saan a maapektaran dagiti empleado iti Senado iti mapaspasamak a sinnungbat iti liderato iti Senado.
Immunan nga impakaammo ti kampo ni acting Senate President Sherwin Gatchalian ti pannakaisayangkat iti special session kasaruno iti pannakapaay a nangurnos iti riri iti liderato sakbay a nag-adjourn sine die idi June 6.
Impaganetget ni Gatchalian a kasapulan a maipasa iti napapateg a gakat pakairamanan ti kumpirmasion dagiti opisyal ti Armed Forces of the Philippines (AFP) ken Department of Foreign Affairs (DFA) a nataktak kalpasan nga inikkat ti grupo ni Sen. Alan Peter Cayetano ni dati a Senate President Vicente “Tito” Sotto III.
