Inyunay-unay ni Senate Committee on Labor Chairman Senador Joel Villanueva iti kinapateg ti panangipatungpal ti work-from-home set-up para kadagiti empleyado iti pagilian.
Daytoy ket ti manamnama a traffic gapu iti maaramid a rehabilitasyon ti EDSA ita a tawen.
Segun kenni Villanueva, dakkel a pakalag-anan para iti panag-commute dagiti empleyado ti work-from-home set-up ken makaipangato ti productivity-da.
Maibasar ti RA 11165 wenno Telecommuting Act ket nakailanad ti kaadda ti alternatibo a work set-up ken bilinenna ti Department of Labor and Employment (DOLE) a mangirekomendar kadagiti industria a mabalin nga ag-shift iti work-from-home set- up.
Kinunana a nasken a naan-anay ti pannakausar ti teknolohia tapno ad-adda a produktibo ken praktikal ti panagtrabaho.
