Kinumpirmaran ni Senate President pro-tempore Ping Lacson a masukatanen ni Senator Imee Marcos a Chairman ti Senate Committee on Foreign Relations.
Segun ken ni Lacson, ti ammona ket indanonen ni Senate Majority Leader Migz Zubiri ken ni Sen. Imee ti nasao a plano ken manamnama inton sumaruno a lawas a mapasamak iti panagsukat ti Committee Chairmanship.
Posible a ti mangsukat ken ni Sen. Marcos iti Foreign Relations Committee ket ni Senator Erwin Tulfo.
Inlawlawag met ni Lacson ti nasao nga addang a kas ti Blue Ribbon Committee (BRC) ket maibilang a dakkel ken napateg ti komite ti Committee on Foreign Relations a masansan a naka-reserba para iti majority bloc.
No pay kasta ket awanen iti pakainaiganna iti pangngeddeng a nagtutulagan iti majority caucus idi Lunes.
Kabayatanna, nakasagana met ni Senator Kiko Pangilinan nga ited ken ni Sen. Imee ti Chairmanship iti Senate Committee on Constitutional Amendments and Revision of Codes and Laws ken depende laengen iti senadora no awatenna wenno saan.
