Ipaspasigurado ni Senador Sherwin Gatchalian iti Department of Trade and Industry ti naurnos a panangipatungpal iti suggested retail price ti school supplies ditoy pagilian.
Segun ken ni Gatchalian, welcome ti addang nga iregulate ti DTI ti presyo dagiti school supplies nangruna ta adu a pamilia ti mangikagkagumaan a maipaayan iti dekalidad nga edukasyon dagiti ubbing.
Al-allukoyen ti senador ti ahensia a siguradoen a maaywanan ti interes dagiti aggatang nangruna kadagiti pudno nga agkasapulan.
Nagpanawagan pay kadagiti retailer a nainget a suroten ti SRP ken suportaran dagiti programa ti gobierno tapno accessible met laeng ti edukasyon iti pagilian.
Maipalagip a nangrugin ti DTI a mangmonitor iti presyo dagiti school supplies ta nangiruarda payen iti price guide kadagiti dua gasut a produkto para iti panaglukat ti klase.
