Binabalaw ni Senador Chiz Escudero ni Department of Public Works and Highways mainaig iti maanomalya a flood control projects.
Naaramid ti komprontasion iti deliberasion ti 2026 budget ti DPWH ket temporario a sinuspenso ni Senate Majority Leader Juan Miguel Zubiri ti session.
Kwinestyonaran ni Escudero ni Dizon no sino ti nangibaga kenkuana tapno kasoan da dati nga House Speaker Martin Romualdez ken Dati nga Ako Bicol Partylist Representative Zaldy Co.
Sinungbatan met daytoy ni Dizon a ti rekomendasion a mangipila ti kaso ket kalpasan ti naisayangkat nga inspeksion ti DPWH idiay Oriental Mindoro a karaman ti Sunwest Corporation a kompania ni Co.
Kabayatanna, saan a mabuteng ni Dizon iti panangipila ti kaso kontra ken dati nga House Speaker Martin Romualdez uray kasinsin ni Presidente Ferdinand Marcos Jr.
Inrekomenda ti Department of Public Works and Highways ken Independent Commission for Infrastructure (ICI) a makaswan ti plunder, graft, ken direct bribery ni Romualdez ken Zaldy Co mainaig iti pannakairaman da kadagiti maanomalya a flood control projects. Reynand Fontejon
