Binabalaw ni Senador Bato Dela Rosa ti testimonia ni dati nga mayor ti Iloilo City a ni Jed Mabilog iti sanguanan ti House of Representatives mainaig ti panangiyabna kenkuana idiay Camp Crame idi 2017 tapno papatayen.
Iti umuna a panagparangna iti quad comm, kinuna ni Mabilog a nakaawat iti impormasion a mapilitan a mangitudo kada dati a Senador Franklin Drilon ken Mar Roxas kas drug lords.
Innayon ni Mabilog a nakaawat iti pangta iti biagna ken ti pamiliana kalpasan a inawagan ni dati a Presidente Rodrigo Duterte a protector ti narcotics trade uray awan ti pammaneknek.
Kabayatanna, kinuna ni Dela Rosa, dati a mangidaulo ti Philippine National Police (PNP), a “fishing expedition” ti imbestigasion ti Kamara, tapno madadael ni VP Sara inton 2028.
Inyunay-unay pay ni Dela Rosa nga awan iti ammoda a karaman ni Drillon ken Roxas a karamanda ti illegal drugs.
Nagpanawagan ni Dela Rosa ken ni Mabilog nga inagananna iti heneral a nangibaga kenkuana maipapan iti panggep kontra kadagiti dua a dati nga opisial.
Segun ken ni Dela Rosa, nairaman ni Mabilog iti drugs watchlist gapu iti associations iti maysa nga empleado ti city hall a masansan a makipagkita iti drug lord a ni Melvin Odicta.
