VIGAN CITY- Mangrugin ti semifinals ti Vigan City Inter-Barangay Basketball Tournament manipud June 9 agingga June 17.
Segun ken ni Emil Europa, Youth Development Officer ti Vigan City, maisayangkat ti game 1 inton June 9 iti nagbaetan ti Barangay Bulala ken Barangay IV, alas nuwebe iti bigat.
Kabayatanna, agsango met ti Barangay VI ken Barangay IX iti isu met laeng nga aldaw manipud alas dyes iti bigat idiay Beddeng Laud covered court.
Ti Game 2 ket inton June 10, iti nagbaetan ti Barangay VI ken Barangay IX , kasta pay iti nagbaetan ti Barangay 4 ken Barangay Bulala idiay Ayusan Norte covered court.
Idiay to met Barangay Pantay Fatima iti pakaisayangkatan ti Game 3 iti nagbaetan ti Bulala ken Barangay IV ken Barangay VI ken Barangay IX, alas nuwebe iti bigat.
