Paingeten ti Philippine National Police ti seguridad iti 108 a lugar nga ibilang ti Commission on Elections (Comelec) nga areas of concern para iti September 14 parliamentary elections idiay Bangsamoro Autonomous Region in Muslim Mindanao (BARMM).
Kaadduan ti Lanao del Sur nga adda 21 a red zones bayat nga idiay Maguindanao del Sur ket adda 11 orange zones.
Adda met dagiti dadduma a lebel ti pangta iti Maguindanao del Norte ken Basilan bayat nga agtaltalinaed a natalged ken natibker idiay Tawi-Tawi.
Segun ken ni PNP chief Gen. Jose Melencio Nartatez Jr., ti panangpatalinaed ti peaceful elections idiay BARMM ket agtultuloy a proseso.
Papigsaen pay ti PNP ti koordinasion da iti Armed Forces of the Philippines (AFP) ken inallukoy da ti publiko nga agbalin a nasipot ken dagus nga ipakaammo kadagiti otoridad ti aniaman a makapadudua nga indibidwal wenno grupo.
