Imbilin ni Philippine National Police acting chief Lt. Gen. Jose Melencio Nartatez Jr. kadagiti unit iti intero a pagilian nga ingetan iti patrol operations pakairamanan iti residential areas ken business establishments iti panagrambak iti All Saints ken All Souls Day inton November 1 ken 2.
Segun ken ni Nartatez, binilinda dagiti personnel a pagtalinaeden ti police presence ken makikammayet iti local government units ken barangay officials tapno maliklikan iti aniaman a madi a mapasamak bayat ti panagbisita dagiti pamilia kadagiti pimmusayen nga ay-ayatenda iti biag.
Pinalagipanna pay iti publiko a siguradoen a maisarra amin a tawa ken arwangan, maikkat iti saksakan dagiti appliances ken pakaammoan dagiti mapagtalkan a karruba wenno barangay officials sakbay a panawan dagiti pagtaengan.
Umabot iti 31,200 nga opisyal iti maideploy iti 5,065 a kamposanto, memorial parks, ken columbaria kasta payen dagiti kangrunaan a kalsada manipod October 29 agingga November 3 kas past ti security operations iti PNP para iti panangilagip iti Undas.
