Imbestigaran ti Philippine National Police ti maysa a security agency kalpasan a nairaman iti dua a security guard na iti pannaki-laban idiay Intramuros.
Ti Supervisory Office for Security and Investigation Agencies (SOSIA) ket isu ti mangidaulo ti parallel audit iti security firm a karaman tapno ma-verify ti validity ti lisensya ti ahensia tapno ag-operate bayat a ma-imbestigaran pay dagiti lisensya dagiti dua a security guard a karaman iti insidente.
Ti SOSIA ket opisina iti salinong ti PNP Civil Security Group a nabilin a mangkita kadagiti private security agencies.
Maipalagip a nangrugi ti riri iti nagbaetan dagiti security guard ken teenager idiay Riverside Plaza Mexico Esplanade kalpasan a nagkedked ti ubing iti bilin ti security guard a saan nga usaren ti bisikleta iti nadakamat a lugar.
Naipan iti balay pagagasan ti teenager gapu iti insidente bayat a nakemmeg dagiti security guard ken sumangsango iti kaso a reklamo a panaglabsing ti Republic Act No. 7610 wenno Special Protection of Children Against Abuse, Exploitation and Discrimination Act.
